ARAMOTZ MENDI LASTERKETA Amorebieta-Etxanon (Bizkaia) egingo da, 2023ko urriaren 8an.
Tokia:
Jauregibarria parkea (Jauregibarria jatetxe ondoan).
Lasterketaren irteera:
8:30etan Aramotz 28k Mendi Lasterketa.
9:00etan Aramotz 17k Mendi Lasterketa.
Lasterkariak, Zornotza Mendi Taldeak antolatutako irteera-puntu berera iritsiko dira.
18 urtetik gorako (probaren egunean beteta) atleta, mendizale edo kirolari guztiek parte hartu ahal izango dute; gehienez 200 parte-hartzaile lasterketa bakoitzeko. Izena eman duten parte-hartzaile guztiek araudi hau bete beharko dute. Parte-hartzaileak aitortzen du badakiela zein den probaren zaitasuna eta zein den mendiko lasterketen diziplina.
Izena emateko epe irekiera 2023ko ekainaren 1ean , 06: 00etan,
https://www.buscametas.com plataformaren bidez, eta 2023ko urriaren 4 an amaituko
da 20:00tan, edo plazak betetzen direnean.
Inskripzio kuota :
-28 kilometroko lasterketa: 28 euro.
-17 kilometroko lasterketa: 20 euro.
Inskripzioarekin lasterketa bakoitzeko lehenengo 100 partehartzaileentzako oparia egongo da.
Izena ematearen kuota ordaintzeak proban parte hartzeko eskubidea emango die inskribatuei, beren zerbitzu guztiekin (hornidurak, asistentzia medikoa, dutxak, kontsigna, asegurua, etab.).
Dortsalak Jauregibarrian emango dira(Jauregibarria jatetxearen ondoan), probaren egunean bertan, 07: 00etatik 08: 15era. Bertan, erropak kontsignan uzteko aukera egongo da.
Dortsala norberarena eta besterenezina da. Nahitaezkoa da parte-hartzailearen jatorrizko
NANa erakustea dortsala jasotzeko momentuan.
Aurten 2 proba ezberdin izango dira:
-Aramotz 28k Mendi Lasterketa:
28 kilometro eta 1.800 metroko desnibel positibo metatua.
-Aramotz 17k Mendi Lasterketa:
17 kilometroko eta 1.000 metroko desnibel positibo metatua.
Bi ibilbide bi hauek, Urkiolako Parke Naturalaren barruan dagoen Aramotz mendilerroko bidezidor eta pistetatik zehar igaroko dira.
Proba puntuagarria da Bizkaiko Mendi Federazioaren Mendi
Lasterketen Bizkaiko Ligarako.
28 kilometroko probarako irteera Jauregibarriatik (Jauregibarria jatetxearen ondoan) izango da
8:30etan.
17 kilometroko probaren irteera 09:00etan izango da Jauregibarriatik (Jauregibarria jatetxearen
ondoan).
Irteera eta helmuga toki beran kokatuta egongo dira.
Ibilbidea behar bezala seinaleztatuta dago, kartel adierazleekin, baliza-zintekin
eta banderatxoekin. Nahitaezkoa da antolatzaileek markatutako ibilbidea egitea probarako.
Ibilaldian zehar, antolatzaileek tarteko hurrengo kontrol-puntu jarri dituzte, irteera- eta
helmuga-puntuez gain:
Aramotz 28K Mendi Lasterketa:
-14 km Iñungan.
-21,6 km Urtemondo.
Aramotz 17K Mendi Lasterketa:
10,7 km Urtemondo.
Nahitaezkoa da horietatik igarotzea, bertan arauzko igarotze-kontrolak egingo dira.
Ez da edalontzirik egongo horniduretan.
Helmugako hornitze puntuaz aparte, lasterketa luzea 4 anoa gune eta laburrean 2. Gune horietan, parte-hartzaileei produktu solidoak eta likidoak eskainiko zaizkie (ura, isotonikoa,
fruta, gailetak, etab.).
Hornidurak honako puntu hauetan egongo dira:
#Lasterketa LUZEA:
9. Kilometroa. Uraskako hornitze-gunea (solidoa eta likidoa).
14. km Inunganeko hornitze-gunea (solidoa eta likidoa).
17. km Mugarrekolandako hornitze-gunea (solidoa eta likidoa).
23. Km Belatxikietako hornitze-gunea (solidoa eta likidoa).
#Lasterketa LABURRA:
9. Kilometroa. Uraskako hornitze-gunea (solidoa eta likidoa).
12. Km Belatxikietako hornitze-gunea.
28 kmtako lasterketan helmugan sartzeko
gehienezko denbora 5 hordu eta 30 minututakoa izango da; beraz, ezarritako
gehienezko denbora gainditzen dutenek azken sailkapenean agertzeko aukera oro
galduko dute.
Ibilbidean zehar honako puntu hauetan ere izango dira etenak:
9 .Km Uraskako hornidura: 2 ordu (denbora horretan sartzen ez bada, korrikalaria ibilbide
laburrera bideratuko da).
14. Km Iñungan: 3 ordu
17. km Mugarrekolanda : 4 ordu
17kmko lasterketan helmugan sartzeko gehienezko denbora 3 ordu eta 30 min koa
izango da.
Nolanahi ere, antolakuntzaileek probatik erretiratzeko ahalmena izango dute:
kronometraje-kontroletarako ezarritako denborak betetzen ez dituzten korrikalariak,
markatutako ibilbidea bete ez dutenak, arauzko dortsala agerian ez daramatenak,
antolatzaileek segurtasun-gaietan edo beste gai batzuetan emandako jarraibideei
jaramonik egiten ez dietenak, gainerako parte-hartzaileekiko kiroltasunik gabeko jarrerari
eusten diotenak, baita baldin eta uste badute parte-hartzaileak gaitasun fisikoak edo
teknikoak murriztuta dituela nekeagatik, nahitaezkoa den materiala ez badute, edo ez
badaude egoera egokian lasterketarai ekiteko ere. Deskalifikatzeko erabakiaren
eraginpean dauden parte-hartzaile guztiek dortsala eman beharko dute hurbilen duten
kontrol-postuan, eta proba utzi beharko dute, antolatzaileen jarraibideen arabera.
Antolatzaileek bi lagun jarriko dituzte lasterketaren itxiera gisa.
Sailkapenean, ibilbidea ezarritako gehieneko denboran osatu duten eta deskalifikatu ez diren parte-hartzaile guztiak agertuko dira. Aldi berean, izan litezkeen zigorrak gehituko zaizkio.
GIZONEZKOEN ABSOLUTUA (probako gizonezko parte-hartzaile
guztiak)
EMAKUMEZKOEN ABSOLUTUA (probako emakumezko parte-hartzaile
guztiak)
LEHENENGO ZORNOTZARRAK emakumezkoa eta gizonezkoa. Bai 28kmko
lasterketan eta 17kmko lasterketan baita ere.
Sariak eta sari-banaketa:
LASTERKETA LUZEA:
1. sailkatua gizonezkoa eta emakumezkoa : Garaikurra +100 euro.
2. sailkatua gizonezkoa eta emakumezkoa :Oparia.
3. sailkatua gizonezkoa eta emakumezkoa :Oparia.
1.Zornotzarra gizonezkoa eta emakumezkoa: Garaikurra .
LASTERKETA LABURRA:
1. sailkatua gizonezkoa eta emakumezkoa: Garaikurra + 80 euro.
2. sailkatua gizonezkoa eta emakumezkoa: Oparia.
3. sailkatua gizonezkoa eta emakumezkoa:Oparia.
1.Zornotzarra gizonezkoa eta emakumezkoa: Garaikurra .
Ibilbidean zehar, parte-hartzaileak edateko ontzi bat eraman beharko du.
Eguraldi txarra eginez gero, antolatzaileak txubaskeroa edo beste jantzi batzuk sar ditzake nahitaezko material gisa.
Probaren irteeran nahitaezko materiala kontrolatuko da.
Oso gomendagarria da parte-hartzaile guztientzat haizearen kontrako jaka, proba osoan. Jaka parte-hartzaileari dagokion neurrikoa izatea gomendatzen da, mahuka luzeak eta txanoa erabiliz. Txanoaren ordez braga bat (buf) erabil daiteke.
Orkatilen babesa ere oso gomendagarria da. Zenbait zati eta jaitsiera tekniko dituen ibilbidea da, orkatila bihurritzeko arriskua duena (tapping, etab.).
Antolatzaileek, ibilbidean, parte-hartzaileen segurtasuna zaintzeko ardura duten langile espezializatuak jarriko dituzte. Nahitaezkoa da langile horien jarraibideei jarraitzea, behar bezala identifikatuta. Bertan behera utziz gero, lehenbailehen jakinarazi behar zaie erakundeko langileei. Behar izanez gero, osasun langileak izanen dira ibilbidean zehar eta irteera-/iriste-eremuan.
Antolatzaileek eskubidea dute lasterketa ibilbide alternatiboen bidez desbideratzeko, eta beharrezkotzat jotzen dituzten aldaketak egiteko, baldintza desberdinen arabera. Halaber, baldintza meteorologikoek hala eskatzen badute, proba bertan behera uzteko eskubidea dute.
Lasterketaren zatirik handiena edertasun natural eta babes handiko bazterretan egiten da. Beraz, guztion betebeharra izango da ingurunea zaintzea, tokiko fauna eta flora ahalik eta gehien errespetatuz, eta adierazitako hornidura eremuetatik kanpo hondakinak botatzea saihestuz. Horretarako, edukiontziak edo zabor-poltsak jarriko dira, hornidura postutik 100 metroko distantziara.
Parte-hartzaileek arau hau ez betetzea zuzenean deskalifikatzeko arrazoia izanen da
Parte-hartzaileak behartuak daude laguntza behar duten istripua izan dutenei laguntzera eta pasoko kontroletan gertatzen diren ezbeharren berri ematera.
Antolatzaileek beretzat gordetzen dituzte argazkien, bideoaren eta probei buruzko informazioaren eskubide esklusiboak, parte-hartzaile guztiak tartean direla. Halaber, material hori guztia erabiltzen dute iragarkietarako, harreman publikoetarako edo bestelako kazetaritza- edo sustapen-helburuetarako. Komunikabideen edo publizitatearen arloko edozein proiektuk erakundearen baimena izan beharko du aldez aurretik.
Erakundeak edozein unetan zuzendu, aldatu edo hobetu dezake erregelamendu hau. Inskripzioa egiteak parte-hartzaileak erregelamendu honekin duen adostasuna adierazten du.
Erregelamendu honetan xedatu ez den orotan, indarra duen Euskal Herriko Mendi Federazioaren Mendiko Lasterketen Erregelamenduan xedatutakoa hartuko da kontuan